31-август эртең менен Түркмөнабад шаарында мугалимдерди пахта талаасына алып бараткан автобус жеңил унаа менен сүзүштү. Бул тууралуу «Азаттык» радиосунун түркмөн кызматы жазды.

Түркмөнстанда экономикалык каатчылык жана азык-түлүк жетишсиз болуп жаткан маалда Дашөгүз жана Лебап облусунун тургундары буудай сатып алып, тегирменде тарттырып, үй-бүлөлөрүн ун жана нан менен камсыздай башташты.

Өзбекстанда интимдик байланышы тартылган видео Интернетке жайгаштырылганы үчүн  61 жаштагы молдо Абдухамид Атажанов  милиция кызматкерлерин күнөөлөдү. Ал муну жеке жашоого кийлигишүү деп эсептейт.

АКШ президенти Дональд Трамп эгер демократтар ноябрдагы аралык шайлоодо жеңишке жетишишсе, анын саясий багытын “күч” менен үзгүлтүккө учуратышат деп эсептейт.

Укук коргоочулар Орусиянын президенти Владимир Путинди Чеченстандын жетекчиси Рамзан Кадыровдун активисттерге каршы билдирүүсүн айыптоого чакырышты.

Өзбекстанда мамлекеттик кызматкерлер мындан ары ишемби күнү 17:00гө чейин иштешет, жекшемби күнү эс алышат. Бул тууралуу президент Шавкат Мирзиёев дүйшөмбүдө өткөн жыйында билдирген.

Түндүк-Атлантикалык альянс  Орусиянын “Чыгыш-2018” аскердик машыгуусун ири масштабдагы жаңжалга даярдануу деп эсептейт.

Худжанддагы жеке бала бакчанын кызматкерлери 25-августта ылаңдаган уй этин тамак-ашка колдонгондон кийин Сибирь жарасы шеги менен ооруканага жаткырылды.

Учурда бул окуя боюнча текшерүү жүрүүдө.

Самарканд шаарынын эл аралык аэропортунда Түркияда сойкулукка кабылышы мүмкүн болгон аялдар кармалды.

Орусияда беш жылдан бери курулушта иштеген тажик мигранты Дилшод Тохиров 11 жаштагы кызды өлүмдөн сактап калды

Орусия ооган талибдери менен бирге өтө турган көп тараптуу тынчтык сүйлөшүүлөрүн кийинкиге жылдырды. Бир апта мурун ооган оппозициясы Москванын 4-сентябрга пландаган отурумуна катышууга макулдугун билдирген.

Казакстандык каратэ чебери Гузалия Гафурова Жакартада өтүп жаткан Азия оюндарында 68 кило салмакта алтын медаль утту.

26-август күнү Алматыда маркум спортчу Денис Тенге арналган D10 WORLD деген аталыштагы сүрөт көргөзмөсү ачылды.

26-августта Тажикстандын Ооганстан менен чектеш Фархор аймагынын үч тургуну «Нива» автоунаасы менен бараткан жеринен ооган тараптан ок атууга дуушар болушту. Эки киши өлүп, бирөө жараат алды.

Каракалпакстан фермерлери жана ветеринарлары кара малдын жапырт кырылып жатканына кабатыр болушууда.

Индонезияда өтүп жаткан Азия оюндарында казакстандык велосипедчи Алексей Луценко чемпион аталды.

Бүгүн Өзбекстандын президенти Шавкат Мирзиёев Түркмөнстан башчысы Гурбангулы Бердымухамедовдун чакыруусу менен Аралды сактоо фондунун эл аралык саммитине катышуу үчүн Түркмөнбашы шаарына барат.

Индонезияда өтүп жаткан Азия оюндарында өзбекстандык 43 жаштагы Оксана Чусовитина спорттук гимнастиканын кол тиреп секирүү түрү (vault) боюнча күмүш медал алды. Алтынды Түштүк Кореянын 16 жаштагы спортчусу Се Жинг Е тагынды.

Орусиянын Сириядагы үч жылдан берки аба соккуларынан кеминде 8 миң жай тургун жана куралдуу топтордун 10 миңден ашык мүчөсү мерт болду. Бул тууралуу Би-би-си Сириядагы адам укуктарынын сакталышына мониторинг жүргүзүү борборуна шилтеме кылып билдирди.

Тажикстан Башкы прокуратурасы 2018-жылдын биринчи жарым жылдыгында киши соодалоого айыпталган 30 кишиге карата кылмыш ишин козгоду. Алардын 20дан ашууну бала сатуу жана сатып алууга күнөөлөнүүдө.