Моңголияда коронавирусту биринчи болуп жуктурган бейтап ооруканадан чыгарылды.

Бул тууралуу жергиликтүү басылмалар өлкөнүн Саламаттыкты сактоо министрлигине шилтеме берүү менен жазды.

Буга чейин Жугуштуу ооруларды изилдөө борборунун директору 2 адам коронавирустан айыкканын билдирген болчу. Бирок алар азырынча дарыгерлердин көзөмөлүндө болушат. Эки бейтаптын акыркы анализинен коронавирус аныкталган эмес.

Моңголияда коронавирустан айыккан бейтаптардын баары 14 күн изоляцияда болот.

Булак: Баракелде