Бишкек, "САЯСАТ.KG". Жакынкы күндөрү дагы аномалдуу ысык күтүлүп жатканы эскертилди. 

Түштүк Кореяда аномалдуу ысыктардан улам 16 адам каза болду. Бул тууралуу Yonhap агенттиги өлкөнүн Ооруларды көзөмөлдөө жана алдын алуу агенттигине (KDCA) шилтеме берип жазды.

Маалыматка ылайык, май айынын ортосунан бери бийлик ысыкка байланыштуу оорулардын атайын мониторинг системасын ишке киргизген. Ошондон бери өлкө боюнча тез жардам бөлүмдөрүнө жалпысынан 2,9 миңден ашык адам кайрылган. Алардын ичинен 16 бейтаптын өмүрүн сактап калуу мүмкүн болгон жок.

Мамлекеттик метеорология агенттиги билдиргендей, 30-июлга карата Сеул шаарында быйылкы июль айында эң көп “тропикалык түндөр” (түн ичинде абанын температурасы 25 градустан төмөн түшпөгөн учурлар) катталган. Жакынкы күндөрү дагы аномалдуу ысык күтүлүп жатканы эскертилди. 

Мамлекеттик органдар жарандарды этият болууга, күндүн эң ысык учурунда ачык жерде жүрбөөгө жана суюктукту көп ичүүгө чакырууда.

Булак: koom.press